లాక్​డౌన్ పొడిగింపున​కు సీఐఐ మద్దతు

కేంద్ర ప్రభుత్వం ప్రకటించిన లాక్​డౌన్​ పొడిగింపునకు సీఐఐ మద్దతు తెలిపింది. కొవిడ్​-19 నివారణకు లాక్​డౌన్​ పొడిగించడం తప్పనిసరని సీఐఐ రాష్ట్ర ఛైర్మన్ బోదనపు కృష్ణ అన్నారు.

ప్రభుత్వం ప్రకటించిన లాక్​డౌన్ పొడిగింపును భారత పరిశ్రమల సమాఖ్య (సీఐఐ) సమర్థించింది. లాక్​డౌన్ వల్ల చిన్న తరహా పరిశ్రమలు, వ్యాపారాలు సవాళ్లను ఎదుర్కుంటున్నాయని సీఐఐ తెలంగాణ ఛైర్మన్ బోదనపు కృష్ణ తెలిపారు. అయినప్పటికీ కరోనా వ్యాప్తి నివారణకు లాక్​డౌన్ పొడిగించడమే శరణ్యమని చెప్పారు. ప్రజలకు ఉపాధి కల్పిస్తూనే ఆర్థికవ్యవస్థపై ప్రతికూల ప్రభావాన్ని తగ్గించేందుకు పరిశ్రమలు కార్యకలాపాలు నిర్వహించడం అవసరమని వ్యాఖ్యానించారు. అన్ని జాగ్రత్తలు తీసుకుంటూ... ఆర్థిక కార్యకలాపాలను దశల వారీగా ప్రారంభించేందుకు ప్రణాళికలు రూపొందించాలని కోరారు.

ఇదీ చూడండి:రోడ్లపైకి భారీగా వలస కార్మికులు- పోలీసుల లాఠీఛార్జ్​