పదికోట్లకు ఎగనామం పెట్టిన చిట్​ఫండ్ కంపెనీ

చిట్టీల పేరుతో రూ. 10కోట్ల వరకు వసూలు చేసి అనంతరం బోర్డు తిప్పేసిన ఘటన సికింద్రాబాద్​లోని అల్వాల్​లో చోటుచేసుకుంది. మోసపోయామని గ్రహించిన బాధితులు పోలీసులను ఆశ్రయించారు.

సికింద్రాబాద్​ అల్వాల్ పోలీస్ స్టేషన్ పరిధిలో ఓ చిట్​ఫండ్ కంపెనీ ఘరానా మోసం చేసింది. అల్వాల్​లోని శ్రీ సంతోషిమాత చిట్​ఫండ్ కంపెనీ పేరుతో కార్యాలయాన్ని ప్రారంభించిన నిర్వాహకులు.. స్థానికుల నుంచి దాదాపు పది కోట్ల వరకు వసూలు చేశారు. కొన్ని రోజులపాటు చిట్​ఫండ్ కంపెనీ వ్యాపారం బాగానే సాగినప్పటికీ.. తర్వాత మోసాలు చేయడం మొదలుపెట్టారు.

బాధితులను నమ్మించి వారి నుంచి పెద్ద ఎత్తున డబ్బులను వసూలు చేసినట్లు బాధితులు ఆరోపించారు. గత కొన్ని రోజుల నుంచి చిట్​ఫండ్ కంపెనీ ఆఫీసుకు తాళాలు వేసి ఉండడం.. యాజమాన్యాన్ని సంప్రదించినా.. ఎలాంటి సమాచారం లభించలేదు. అనుమానం వచ్చిన బాధితులు పోలీసులను ఆశ్రయించారు. సదరు చిట్ ఫండ్ కార్యాలయంపై పోలీసులు కేసు నమోదు చేసి దర్యాప్తు ప్రారంభించారు.

ఇవీ చూడండి:సీతారాములను వదలని కరోనా.. కల్యాణంపై కొవిడ్​-19 ఎఫెక్ట్