ప్రధాని మోదీ పిలుపు మేరకు ఈనెల 5న హైదరాబాద్లోని ధూల్పేటలో భాజపా ఎమ్మెల్యే రాజాసింగ్ జ్యోతి ప్రజ్వలన చేసి.. ‘చైనీస్‌ వైరస్‌ గో బ్యాక్‌’ అంటూ చేసిన నినాదాలపై భారత్‌లోని చైనా రాయబార కార్యాలయం స్పందించింది. భారత్‌లోని పీపుల్స్‌ రిపబ్లిక్‌ ఆఫ్‌ చైనా కౌన్సిలర్‌(పార్లమెంట్‌) లియూ బింగ్‌... రాజాసింగ్‌కు లేఖ రాశారు.
భాజపా ఎమ్మెల్యే రాజాసింగ్ వ్యాఖ్యలను ఖండించిన చైనా
భాజపా ఎమ్మెల్యే రాజాసింగ్ ఈ నెల 5న హైదరాబాద్లోని ధూల్పేటలో చేసిన నినాదాలను చైనా రాయబార కార్యాలయం ఖండించింది.
BJP MLA RAJASINGH serious comments on China
కరోనా వైరస్‌ గురించి ప్రపంచానికి నివేదించిన తొలిదేశం చైనా... అంటే దీని అర్థం ఈ వైరస్‌ చైనా నుంచి ఉద్భవించిందని కాదన్నారు. చైనీస్‌ వైరస్‌ గో బ్యాక్‌ అని చేసిన నినాదాలను ఖండిస్తున్నట్లు తెలిపారు. చైనా రాయబార కార్యాలయం ఖండనపై రాజాసింగ్ ప్రతిస్పందించారు. ‘అమెరికా అధ్యక్షుడు సైతం ఇది కరోనా వైరస్‌ కాదు.. చైనా వైరస్‌ అని పేర్కొన్న విషయం నిజంకాదా?’ అని ప్రశ్నించారు.