ఎన్నిక ఏదైనా తెరాసదే విజయం: బాల్క సుమన్​

ఎన్నికలేవైనా విజయం తెరాసదేనని చెన్నూరు శాసనసభ్యులు బాల్క సుమన్​ ధీమా వ్యక్తం చేశారు. డీసీసీబీ, డీసీఎంఎస్​ ఛైర్మన్​ ఎన్నికల్లో అన్ని స్థానాలను గులాబీ మద్దతుదారులే ఏకగ్రీవంగా గెలుచుకున్నారని తెలిపారు.

తొమ్మిది ఉమ్మడి జిల్లాల్లో జరిగిన డీసీసీబీ, డీసీఎంఎస్​ ఛైర్మన్​, వైస్​ఛైర్మన్​ ఎన్నికల్లో అన్ని స్థానాలను తెరాస పార్టీ మద్దతుదారులే ఏకగ్రీవంగా కైవసం చేసుకున్నారని చెన్నూరు ఎమ్మెల్యే బాల్క సుమన్​ తెలిపారు. ఏ ఎన్నికలైనా తెరాసదే విజయమని ధీమా వ్యక్తం చేశారు. ఈ విజయం ముఖ్యమంత్రి కేసీఆర్​ పరిపాలనా దక్షతకు నిదర్శనమని తెలిపారు.

ప్రతి ఎన్నికల్లో గులాబీ పార్టీ సామాజిక సమతూకం అనేది ప్రధానాంశంగా ముందుకెళ్తోందని పేర్కొన్నారు. ఈ డీసీసీబీ, డీసీఎంఎస్​ ఎన్నికల్లో అన్ని వర్గాలకు అవకాశం కల్పించారని బాల్క సుమన్​ స్పష్టం చేశారు.

ఇవీ చూడండి: ఈనెల 6 నుంచి శాసనసభ​ సమావేశాలు.. 8న బడ్జెట్​..