రాష్ట్రంలో తొలిసారిగా నాన్‌ ఏసీ స్లీపర్ బస్సులు.. ఎప్పటినుంచంటే..!
RTC is Making Available Non AC Sleeper Buses: ప్రయాణికుల సౌకర్యార్థం రాష్ట్రంలో తొలిసారిగా నాన్‌ ఏసీ స్లీపర్ బస్సులను ఆర్టీసీ అందుబాటులోకి తీసుకువస్తోంది. మొదటగా 4 స్లీపర్, మరో 6 స్లీపర్ కమ్‌ సీటర్‌ బస్సులను ఇవాళ ప్రారంభించనుంది. హైదరాబాద్‌-కాకినాడ, హైదరాబాద్‌-విజయవాడ మార్గాల్లో అద్దె ప్రతిపాదికన ఈ బస్సులను ఆర్టీసీ యాజమాన్యం నడపనుంది. హైదరాబాద్‌ కేపీహెచ్బీ కాలనీ బస్స్టాప్ వద్ద సాయంత్రం 4 గంటలకు సంస్థ ఛైర్మన్‌ బాజిరెడ్డి గోవర్దన్‌, ఎండీ సజ్జనార్‌ ఈ బస్సులను జెండా ఊపి ప్రారంభించనున్నారు.