​​​​​తొలిసారి జమ్ముకశ్మీర్​లో పర్యటనలో కేంద్రమంత్రి కిషన్​ రెడ్డి

కేంద్ర హోంశాఖ సహాయ మంత్రిగా బాధ్యతలు స్వీకరించిన అనంతరం కిషన్​ రెడ్డి తొలిసారి జమ్మూకశ్మీర్​లో సందర్శించారు. గండెర్బల్ జిల్లాలో పర్యటించి పలు అభివృద్ధి పనులను ప్రారంభించారు.

కేంద్ర హోంశాఖ సహాయమంత్రి కిషన్ రెడ్డి కేంద్ర మంత్రిగా బాధ్యతలు స్వీకరించిన అనంతరం తొలిసారి జమ్మూ కశ్మీర్​లో పర్యటించారు. ప్రధాని నరేంద్ర మోదీ సూచనల మేరకు కిషన్ రెడ్డి బుధవారం గండెర్బల్ జిల్లాను సందర్శించారు.

పలు అభివృద్ధి పనులకు శంకుస్థాపన చేసి... కేంద్ర ప్రభుత్వ పథకాల అమలు తీరుపై సమీక్షలు నిర్వహించారు. అనంతరం జమ్మూ కశ్మీర్​కు చెందిన ప్రజలు, వివిధ ప్రతినిధుల బృందాలతో చర్చలు జరిపారు.

ఈ సందర్శనపై మంత్రి స్పందించి తన ఆనందాన్ని వ్యక్తం చేశారు. రెండు రోజుల పాటు అక్కడే ఉండి స్థానికులు, విద్యార్థులు, ప్రభుత్వ అధికారులతో కలసి వారి అభిప్రాయాలు తెలుసుకోనున్నారు.

ఇవీ చూడండి: కళ్లులేకపోయినా... ఓటేసి ఆదర్శంగా నిలిచిన వృద్ధుడు