రాష్ట్ర ప్రభుత్వానికి ఊరట.. రూ.4 వేల కోట్ల సమీకరణకు కేంద్రం అనుమతి

19:33 June 03

బాండ్ల ద్వారా రుణాలు తీసుకునేందుకు రాష్ట్ర ప్రభుత్వానికి కేంద్రం అనుమతి

అప్పుల విషయంలో.... తెలంగాణ ప్రభుత్వానికి ఉపశమనం కలిగింది. బాండ్ల ద్వారా రుణాలు తీసుకునేందుకు కేంద్రం అనుమతించింది. ఈ మేరకు... 4 వేల కోట్లు సమీకరణకు తెలంగాణ ప్రభుత్వం రిజర్వ్ బ్యాంకు ద్వారా బాండ్లు జారీ చేసింది. ఇందుకు సంబంధించి ఆర్బిఐ నోటిఫికేషన్ ఇచ్చింది. 13 ఏళ్ల కాలానికి బాండ్లు జారీ చేయగా.. ఈనెల 7న బాండ్లను వేలం వేయనున్నారు.

ఈ ఆర్థిక సంవత్సరంలో.. బాండ్ల ద్వారా 53వేల కోట్ల రుణం తీసుకోవాలని బడ్జెట్‌లో ప్రతిపాదించినా... రెండేళ్లుగా కార్పొరేషన్ల ద్వారా తీసుకున్న బడ్జెటేతర రుణాల విషయంలో కేంద్రం అభ్యంతరం తెలిపింది.ఈ కారణంగా ఇప్పటివరకు అప్పులు తీసుకునేందుకు అనుమతి లభించలేదు. ఈ అంశంపై... తెలంగాణ సమర్పించిన వివరణను పరిగణలోకి తీసుకున్న కేంద్రం... ఇప్పుడు 4వేల కోట్ల రుణ సమీకరణకు అనుమతి ఇచ్చింది.

ఇవీ చూడండి: