విద్యుదాఘాతంతో సెల్​టవర్ దగ్ధం

హైదరాబాద్ రాయదుర్గంలో షార్ట్​ సర్య్కూట్ కారణంగా సెల్​టవర్​ పూర్తిగా అగ్నికి ఆహుతైంది. ఈ ఘటనలో ఆస్తి నష్టం మినహా ప్రాణనష్టం జరగలేదు.

హైదరాబాద్ రాయదుర్గంలో అగ్నిప్రమాదం సంభవించింది. నాసర్ పాఠశాల సమీపంలో గల సెల్​టవర్​లో నుంచి ఆకస్మాత్తుగా మంటలు చెలరేగాయి. ఆందోళనకు గురైన స్థానికులు అగ్నిమాపక సిబ్బందికి సమాచారం అందజేశారు. ఘటనా స్థలికి చేరుకున్న అగ్నిమాపక సిబ్బంది మంటలను అదుపులోకి తెచ్చారు.

షార్ట్‌ సర్క్యూట్‌ వల్లే ప్రమాదం జరిగి ఉండవచ్చని అనుమానం వ్యక్తం చేస్తున్నారు. ఈ టవర్ ఐడియా, ఎయిర్టెల్​కి సంబంధించిన సెల్​టవర్​గా పోలీసులు పేర్కొన్నారు. కేసు నమోదు చేసిన పోలీసులు దర్యాప్తు చేస్తున్నారు.

ఇదీ చూడండి : మిస్సింగ్ కేసును ఛేదించిన తెలంగాణ పోలీస్