MERYLAND Lt Governor ARUNA MILLER : అమెరికాలోని మేరీల్యాండ్ లెఫ్టినెంట్ గవర్నర్‌గా ఎన్నికైన భారత సంతతి మహిళ అరుణ మిల్లర్ అసలు పేరు కాట్రగడ్డ అరుణ. ఆమె తండ్రి కాట్రగడ్డ వెంకటరామారావు ఐబీఎం సంస్థలో పనిచేశారు. 1972లోనే వీరి కుటుంబం అమెరికా వెళ్లి స్థిరపడింది. అమెరికాలోని మిస్సోరి యూనివర్సిటీ ఆఫ్‌ సైన్స్‌ అండ్‌ టెక్నాలజీలో ఇంజినీరింగ్ పూర్తి చేసిన అరుణ.. 1990లో అమెరికాకు చెందిన డేవిడ్ మిల్లర్‌ను వివాహం చేసుకున్నారు. అరుణమిల్లర్‌ డెమోక్రటిక్‌ పార్టీ సభ్యురాలిగా చాలా కాలం నుంచి కొనసాగుతున్నారు. అంచెలంచెలుగా ఎదిగి లెఫ్టినెంట్ గవర్నర్ కావడంతో.. సొంతూరిలో బంధువులు, గ్రామస్థులు సంబరాలు చేసుకున్నారు.
మేరీల్యాండ్‌లో మెరిసిన తెలుగు తేజం అరుణ మిల్లర్