డివైడర్​ను ఢీకొట్టిన కారు... రోడ్డుపై ఫల్టీలు

హైదరాబాద్​ ఉప్పల్​లో ఆదివారం అర్థరాత్రి మద్యం మత్తులో ఓ డ్రైవర్​ మితిమీరిన వేగంతో రోడ్డుపై డివైడర్​ను ఢీకొట్టాడు. కారు పల్టీలు కొడుతూ బోల్తాపడగా.. డ్రైవర్​కు గాయాలయ్యాయి. సమీప ఆసుపత్రిలో అతనికి చికిత్స అందిస్తున్నట్లు పోలీసులు వెల్లడించారు.

హైదరాబాద్​ ఉప్పల్​లో ఆదివారం అర్థరాత్రి కారు డ్రైవర్ బీభత్సం సృష్టించాడు. మద్యం మత్తులో శ్రీనివాస సినిమా హాల్​ వద్ద అతివేగంగా కారు దూసుకొచ్చింది. మితిమీరిన వేగం వల్ల ఫ్యాన్సీ నంబర్​ ఉన్న కారు డివైడర్​ను ఢీకొని పల్టీలు కొడుతూ బోల్తాపడింది.

డ్రైవర్​ రామాంతపూర్​కు చెందిన సింగారం రాముగా గుర్తించినట్లు సీఐ రంగస్వామి తెలిపారు. కారులో డ్రైవర్​ మాత్రమే ఉండగా.. అతనికి గాయాలవగా.. సమీపంలోని ఆదిత్య ఆసుపత్రికి తరలించినట్లు పోలీసులు తెలిపారు. ఆ సమయంలో రహదారిపై రాకపోకలు లేకపోవడం వల్ల ఎలాంటి ప్రాణనష్టం జరగలేదని సీఐ వివరించారు.