క్రిస్మస్​కు కేక్​ మిక్సింగ్​ సందడి

క్రిస్మస్ పండుగ వస్తున్న సందర్భంగా నగరంలోని ప్రముఖ హోటల్లో కేక్ మిక్సింగ్ సందడి మొదలైంది. సికింద్రాబాద్​ మనోహరా హోటల్లో సీఎండీ మనోహర్​ కేకు మిక్సింగ్​ కార్యక్రమంలో ఉత్సాహంగా పాల్గొని సందడి చేశారు.

క్రిస్మస్​ అనగానే గుర్తొచ్చే కేకుల సందడి మొదలైంది. సికింద్రాబాద్ బేగంపేటలోని మనోహర్ హోటల్లో రకరకాల పదార్థాలతో బుధవారం నాడు కేక్ మిక్సింగ్ కార్యక్రమాన్ని నిర్వహించారు. సీఎండి మనోహర్, సిబ్బంది అంతా కలిసి కేక్ మిక్సింగ్​లో ఉత్సాహంగా పాల్గొన్నారు. క్రిస్మస్ పండుగలో భాగంగా కేక్ మిక్సింగ్ చేయడం తమకు ఎంతో సంతోషంగా ఉంటుందని మనోహర్ అన్నారు. హోటల్లో ఉన్న సిబ్బంది యాజమాన్యం బంధాన్ని మరింత దృఢ పరిచేందుకు ఇలాంటి కార్యక్రమాలు దోహదపడతాయన్నారు.

క్రిస్మస్ పండుగకు నెలరోజులు ముందుగానే కేకును తయారుచేస్తామని నిర్వాహకులు తెలిపారు. క్రిస్మస్ కేకు కోసం ప్రత్యేకంగా పది రకాల పండ్లను కాజు, పిస్తా, అంజీర్, బాదం, అలాంటి అనేక పదార్ధాలను వాడుతారని చీఫ్ చెఫ్​​సత్యనారాయణ అన్నారు. ప్రత్యేకమైన మసాలాలు అందులో వేసి ఆల్కహాల్​తో కలిపి మిశ్రమాన్ని తయారు చేస్తామని పేర్కొన్నారు.

ఇదీ చూడండి: ఆ చిన్నారుల కుంచెలు... వదిలిస్తాయి కంచెలు!