మంత్రివర్గ విస్తరణపై నేడు స్పష్టత..!

ఎప్పుడెప్పుడా అని ఎదురుచూస్తున్న మంత్రివర్గ విస్తరణపై నేడు స్పష్టత వచ్చే అవకాశం కనిపిస్తుంది. రేపు కేబినెట్​ విస్తరణకు ముహూర్తంగా పార్టీ శ్రేణుల్లో జోరుగా ప్రచారం సాగుతోంది.

మంత్రివర్గ విస్తరణకు రేపు శుక్రవారం దశమి మంచి మూహుర్తంగా తెరాస వర్గాల్లో చర్చ జరుగుతోంది. నేడు దీనిపై స్పష్టత వచ్చే అవకాశం ఉంది. ముఖ్యమంత్రి కేసీఆర్ బుధవారం ఫామ్​హౌస్​ నుంచి ప్రగతి భవన్​కు చేరుకున్నారు. ఆయనను పలువురు ఎమ్మెల్యేలు, ఎమ్మెల్సీలు కలిశారు. 17న కేసీఆర్​ పుట్టిన రోజు, 18 నుంచి మూడు రోజుల పాటు ఆర్థిక సంఘం పర్యటన ఉంది.

సీఎం పుట్టిన రోజుకు ముందే మంత్రివర్గ విస్తరణ జరుతుందని భావిస్తున్నారు. ఎవరికి మంత్రి పదవులు ఇవ్వాలనేది కేసీఆర్ ఇప్పటికే కసరత్తు చేసినట్టు సమాచారం.