బండ లాగుడు పోటీలో అపశృతి.. ఎడ్లబండి పైనుంచి కిందపడ్డ ఎమ్మెల్యే
Bull Competitions in YSR District: ఏపీ వైఎస్ఆర్ జిల్లా ప్రొద్దుటూరు మండలం దొరసానిపల్లెలో ఏర్పాటు చేసిన బండలాగుడు పోటీల్లో స్వల్ప అపశృతి చోటు చేసుకుంది. ఈ పోటీలను ప్రారంభించేందుకు.. వైకాపా ఎమ్మెల్యే రాచమల్లు శివ ప్రసాద్ రెడ్డి హాజరయ్యారు. పోటీలు ప్రారంభించే క్రమంలో ఎమ్మెల్యే ఎడ్లను అదిలించారు. ఎద్దులు ముందుకు కదలడంతో రాయిపై నిలబడి ఉన్న ఎమ్మెల్యే.. పట్టు కోల్పోయి ఒక్కసారిగా కింద పడ్డారు. దీంతో అక్కడ ఉన్న వారు ఆయన్ను పైకి లేపారు. ఎమ్మెల్యేకు స్వల్ప గాయం అయిందని, వారం రోజుల పాటు విశ్రాంతి తీసుకోవాలని వైద్యులు చెప్పినట్లు సమాచారం.