నిమజ్జనోత్సవం సందర్భంగా చార్మినార్ వద్ద బాంబ్ స్క్వాడ్ తనిఖీలు

హైదరాబాద్​ పాతబస్తీలో వినాయకుడి నిమజ్జనోత్సవం సందర్భంగా పోలీసులు బందోబస్తును ఏర్పాటు చేశారు. ఎలాంటి అవాంఛనీయ ఘటనలు జరగకుండా ముందస్తుగా బాంబ్​ స్క్వాడ్, డాగ్ స్క్వాడ్​లతో తనిఖీలు నిర్వహించారు.

మంగళవారం వినాయకుడి నిమజ్జనం సందర్భంగా హైదరాబాద్​ పాతబస్తీలో పోలీసులు గట్టి బందోబస్తును ఏర్పాటు చేశారు. పాతబస్తీలో ఎలాంటి అవాంఛనీయ ఘటనలు చోటుచేసుకోకుండా బాంబ్​ స్క్వాడ్, డాగ్ స్క్వాడ్​లతో పోలీసులు తనిఖీలు నిర్వహించారు. గుల్జర్​ హౌస్​.. తదితర ప్రాంతాల్లో పోలీస్​ మార్చ్​ను నిర్వహించారు.

కరోనా దృష్ట్యా ఈ ఏడాది ట్రాఫిక్​ ఆంక్షలను మరింత కఠినతరం చేశారు. ప్రధాన రహదారులపై బ్యారికేడ్లు, ప్రత్యామ్నాయ మార్గాలు ఎంచుకోవాలని పోలీసులు సూచించారు. నిమజ్జనోత్సవాల్లో పాల్గొనే ప్రతి ఒక్కరూ భౌతిక దూరం పాటిస్తూ.. మాస్కులు ధరించే సంబురాలు జరుపుకోవాలని పోలీసులు కోరారు.

ఇదీ చదవండి:స్వచ్ఛమైన గాలి.. మట్టివాసన... ఫామ్‌టూర్స్‌కు నగరవాసులు