తెలంగాణ రాష్ట్రంలో పశు సంపదను గణించడానికి జంతువుల ముక్కు ముద్రణాలను 'డిజిటల్ సాంకేతిక పరిజ్ఞానం' ద్వారా సేకరించి ఆన్లైన్లో పొందపర్చవచ్చునని తెలంగాణ రాష్ట్ర ప్రణాళిక ఉపాధ్యక్షుడు బోయినపల్లి వినోద్ కుమార్ అన్నారు. మంత్రుల నివాసంలో మల్కాజిగిరి పార్లమెంట్ ఇంఛార్జీ మర్రి రాజశేఖర్ రెడ్డితో కలిసి జియోస్టాట్ ఇన్ఫార్మటిక్స్ సంస్థ ఎండీ వివేక్ రెడ్డి పవర్ పాయింట్ ప్రజంటేషన్ ద్వారా వినోద్ కుమార్కు ఈ టెక్నాలజీని వివరించారు. మనుషుల వేలిముద్రలు ఏ విధంగా అయితే ఒకదానికొకటి పోలిక ఉండదో.. అదే విధంగా జంతువుల ముక్కు ముద్రలు ఒకేలా ఉండవని వివేక్రెడ్డి తెలిపారు. జంతువుల ముక్కును ఫొటో తీసి డిజిటలైజ్ చేయడం ద్వారా వాటి పక్కా రికార్డ్ అందుబాటులో ఉంచే అవకాశం ఉంటుందని ఆయన పేర్కొన్నారు.
'పశుసంపద గణనకు డిజిటల్ టెక్నాలజీ అమలు ఉత్తమం'
రాష్ట్రంలో పశుసంపదను గణించేందుకు డిజిటల్ టెక్నాలజీని అమలు చేయడం ఉత్తమమని రాష్ట్ర ప్రణాళికా సంఘం వైస్ చైర్మన్ బోయినపల్లి వినోద్ కుమార్ అభిప్రాయ పడ్డారు. జియోస్టాట్ ఇన్ఫార్మటిక్స్ సంస్థ ఎండీ వివేక్ రెడ్డి పవర్ పాయింట్ ప్రజంటేషన్ ద్వారా వినోద్ కుమార్కు ఈ టెక్నాలజీని వివరించారు. ఈ విషయాన్ని ముఖ్యమంత్రి కేసీఆర్, మంత్రి తలసాని శ్రీనివాస్ యాదవ్ దృష్టికి తీసుకెళ్తానని వినోద్ కుమార్ వారికి హామీనిచ్చారు.
'పశుసంపదను గణించేందుకు డిజిటల్ టెక్నాలజీ అమలుచేయడం ఉత్తమం'
ఈ డిజిటల్ పద్దతి ద్వారా సంప్రదాయ పద్దతి ఇయర్ టాగింగ్కు స్వస్తి చెప్పవచ్చునని వెల్లడించారు. ఇప్పటికే అభివృద్ధి చెందిన దేశాల్లో బీమా సంస్థలు ఈ పద్ధతిని అమలు చేస్తున్నాయని వివరించారు. రాష్ట్రంలో కూడా ఈ టెక్నాలజీని పశుసంపద అభివృద్ధి కొరకు అమలు చేయాలని విజ్ఞప్తి చేశారు. ప్రభుత్వం పంపిణీ చేస్తున్న గొర్రెల చెవులకు జియో ట్యాపింగ్ చిప్ ఉన్నా.. కొందరు ఆ చెవులను కోసేసి బ్లాక్ మార్కెట్కు తరలిస్తున్నారు. ముక్కు ఫొటో తీసే కొత్త టెక్నాలజీ తో దానికి చెక్ పెట్టే అవకాశం ఉంటుందని వివేక్రెడ్డి వివరించారు. ఈ విషయాన్ని ముఖ్యమంత్రి కేసీఆర్, మంత్రి తలసాని శ్రీనివాస్ యాదవ్ దృష్టికి తీసుకెళ్తానని వినోద్ కుమార్ వారికి హామీనిచ్చారు.
ఇవీ చూడండి:మంత్రి ఔదార్యం.. తన వాహనంలో ఆస్పత్రికి క్షతగాత్రుడు