గ్రేటర్ పీఠం భాజపా కైవసం చేసుకోబోతోంది: చింతల

గ్రేటర్​ ఫీఠం భాజపాదేనని ఆ పార్టీ మాజీ ఎమ్మెల్యే చింతల రామచంద్రారెడ్డి దీమా వ్యక్తం చేశారు. భారీ వర్షాలతో జనజీవనం అతలాకుతలం అయితే ఒక్క బాధితుడినీ పరామర్శించని కేసీఆర్​కు ప్రజలు బుద్దిచెబుతారన్నారు.

ముఖ్యమంత్రి కేసీఆర్ ఎన్ని కుయుక్తులు పన్నినా గ్రేటర్ పీఠం భాజపాదేనని ఖైరతాబాద్ మాజీ ఎమ్మెల్యే చింతల రామచంద్రారెడ్డి ధీమా వ్యక్తం చేశారు. గ్రేటర్​ పరిధిలో లక్ష రెండు పడక గదుల ఇళ్లను నిర్మించామని ప్రచారం చేసుకుంటున్న ప్రభుత్వ వైఖరిని ప్రజల్లో ఎండగడతామన్నారు.

హిమాయత్​నగర్ కార్పొరేటర్ అభ్యర్థిగా నామినేషన్ వేసేందుకు ర్యాలీగా బయలుదేరిన మహాలక్ష్మి గౌడ్​కు మద్దతుగా... చింతల రామచంద్రారెడ్డి పాల్గొన్నారు. దుబ్బాకలో ఉపఎన్నిక ఫలితమే గ్రేటరలోనూ పునరావృతం అవుతుందని జోస్యం చెప్పారు.

కుంభవృష్టితో హైదరాబాద్​ ప్రజలు అల్లాడిపోతే ఒక్క బాధితుడనీ పరామర్శించని ముఖ్యమంత్రికి ప్రజలు బుద్దిచెప్పబోతున్నారు. రూ.10 వేలు అందరికి ఎందుకు ఇవ్వలేదు. ఇళ్లలోని అన్ని వస్తువులు పోయాయి. పదివేలు ఇచ్చి చేతులు దులుపుకుందామనుకున్నారు. లక్ష డబుల్​ బెడ్​రూం ఇళ్లు ఎక్కడ కట్టారో ప్రజలకు చెప్పాలి.

-చింతల రామచంద్రారెడ్డి

ఇవీచూడండి:రేపు చార్మినార్​కి వస్తా.. దమ్ముంటే కేసీఆర్ రావచ్చు: సంజయ్ సవాల్