'భైంసాలో ఒక్కవార్డు గెలవని తెరాస... భాజపాపై విమర్శలా..'

సాగనీటి ప్రాజెక్టుల నిధులతోనే రాష్ట్రంలో తెరాస రాజకీయాలు చేస్తూ, ఎన్నికల తతంగం నడిపిస్తోందని భాజపా రాష్ట్ర అధ్యక్షుడు లక్ష్మణ్​ ఆరోపించారు. పురఎన్నికల్లో ప్రజలు పూర్తి మద్దతు ఇచ్చినా తెరాస అధికార దుర్వినియోగానికి పాల్పడిందని మండిపడ్డారు.

తెలంగాణ పురపాలక ఎన్నికల్లో సొంతంగా పోటీ చేసిన ఏకైక పార్టీ భాజపా అని పార్టీ రాష్ట్ర అధ్యక్షుడు లక్ష్మణ్​ అన్నారు. పుర ఎన్నికల్లో తెరాస అధికార దుర్వినియోగానికి పాల్పడిందని ఆరోపించారు. వార్డుల రూపకల్పన, రిజర్వేషన్లలో తెరాస అక్రమాలకు పాల్పడిందని విమర్శించారు.

తుక్కుగూడలో భాజపాకు ఛైర్మన్ వచ్చేదని, కానీ తెరాస అడ్డుకుందని లక్ష్మణ్ ఆరోపించారు. నిజామాబాద్​లో పార్లమెంట్, కార్పొరేషన్​ ఎన్నికల్లో తెరాసను తిరస్కరించారని పేర్కొన్నారు. భైంసాలో ఒక్క వార్డు గెలవని తెరాస భాజపాను విమర్శించడమేంటని ప్రశ్నించారు.

జాతీయ నాయకత్వం తెలంగాణపై ప్రత్యేక దృష్టి పెట్టిందన్నారు. 2023లో రాష్ట్రంలో కాషాయ జెండా ఎగురుతుందని ధీమా వ్యక్తం చేశారు.

• ఇవీ చూడండి: రుణాలు సేకరించి ప్రాజెక్టులు కట్టాం.. నిధులివ్వండి: హరీశ్