Bandi Sanjay On CM KCR: పాతబస్తీలో విద్యుత్‌ బిల్లులు వసూలు చేయడం చేతగాక.. కంటోన్మెంట్లో కరెంట్ చేస్తారా అంటూ భాజపా రాష్ట్ర అధ్యక్షుడు ఆగ్రహం వ్యక్తం చేశారు. కేటీఆర్‌ మాటలు ముమ్మాటికీ దేశద్రోహ చర్యేనని బండి సంజయ్ ఆరోపించారు. కంటోన్మెంట్కు కరెంట్, నీళ్లు నిలిపివేస్తామనటం సిగ్గుచేటన్నారు. కంటోన్మెంట్లో సైనికులతోపాటు తెలంగాణ ప్రజలు ఉంటారని తెలిపారు. అక్కడ విలువైన భూముల ఆక్రమణకు కేసీఆర్ ప్రయత్నిస్తున్నారని బండి ఆరోపించారు. హైదరాబాద్ బంజారాహిల్స్లోని ప్రసాద్ ల్యాబ్స్లో పార్టీ నేతలతో కలిసి కశ్మీర్ ఫైల్స్ సినిమా వీక్షించారు. కుహానా శక్తులకు ఈ సినిమాతోనైనా కనువిప్పు కలగాలని ఆకాంక్షించారు. బండి సంజయ్తో పాటు ఎమ్మెల్యే రాజాసింగ్, మాజీ ఎమ్మెల్యే రామచందర్ రావు సినిమా వీక్షించారు.
ప్రజలే పవర్ కట్ చేస్తారు
పవిత్రమైన అసెంబ్లీ వేదికగా దేశాన్ని విచ్చిన్నం చేసేందుకు కుట్ర జరుగుతోందని బండి సంజయ్ మండిపడ్డారు. తెలంగాణ ప్రజలు త్వరలోనే కేసీఆర్ పవర్ కట్ చేయడం ఖాయమని అన్నారు. కంటోన్మెంట్కు కరెంట్, నీళ్లు కట్ చేస్తరా? మీరేమైనా రజాకార్లా? నిజాం వారసులా? అని బండి సంజయ్ ప్రశ్నించారు. తెరాస ప్రభుత్వం ఇలాంటి దేశద్రోహ వ్యాఖ్యలు చేస్తుంటే... మిగిలిన పార్టీలు ఎందుకు స్పందించడం లేదని బండి నిలదీశారు.
సైనికులకు క్షమాపణ చెప్పాలి