భాజపా ప్రాంతీయ జన్​ సంవద్​ను జయప్రదం చేయండి: సంజయ్​

ఉమ్మడి ఖమ్మం, వరంగల్ జిల్లాల్లో జులై 1న నిర్వహించనున్న భాజపా ప్రాంతీయ జన్​ సంవద్​ను విజయవంతం చేయాలని ఆ పార్టీ రాష్ట్ర అధ్యక్షులు బండి సంజయ్​ పిలుపునిచ్చారు. కరోనా దృష్ట్యా ప్రజలు ఆన్​లైన్​ వేదికల ద్వారా వీక్షించాలని కోరారు.

బుధవారం సాయంత్రం 5 గంటలకు ఉమ్మడి ఖమ్మం, వరంగల్ జిల్లాల్లో నిర్వహించే భాజపా ప్రాంతీయ జన్ సంవాద్ (వర్చువల్ ర్యాలీ)లో పెద్దఎత్తున పాల్గొన్ని జయప్రదం చేయాలని ఆ పార్టీ రాష్ట్ర అధ్యక్షులు బండి సంజయ్​ పిలుపునిచ్చారు. ముఖ్య అతిథిగా భాజపా జాతీయ ప్రధాన కార్యదర్శి రాంమాధవ్ పాల్గొంటారని తెలిపారు.

కేంద్రంలో ఎన్డీయే ప్రభుత్వం రెండోసారి కొలువుదీరి.. ఏడాది పూర్తయిన సందర్భంగా ఈ ర్యాలీ తలపెట్టినట్లు సంజయ్​ పేర్కొన్నారు. కరోనా పరిస్థితులను దృష్టిలో పెట్టుకునే ఈ ర్యాలీని నిర్వహిస్తున్నట్లు తెలిపారు. కార్యక్రమాన్ని ఆన్​లైన్ వేదికల ద్వారా వీక్షించాలని ప్రజలను కోరారు.

ఏడాది పాలనలో మోదీ ప్రభుత్వం తెలంగాణకు అందించిన అభివృద్ధి, సంక్షేమ పథకాలు, కరోనా పరిస్థితుల్లో తీసుకున్న చర్యలపై రాంమాధవ్ దిశానిర్దేశం చేయనున్నారని కార్యకర్తలకు సూచించిన సంజయ్​.. దీనిపై గ్రామగ్రామాన ప్రజలకు అవగాహన కల్పించాలని తెలిపారు. ఈ సందర్భంగా సభను విజయవంతం చేయాలని ప్రజలను కోరారు.