తెలంగాణ ఉద్యమంలో కీలక పాత్ర పోషించిన ప్రభుత్వ ఉద్యోగులకు 7.5 ఫిట్మెంట్ సిఫారసు చేయడం దారుణమని భాజపా నేత విజయశాంతి అన్నారు. గడచిన 45 ఏళ్లలో అతి తక్కువగా.. 7.5 శాతం ఫిట్మెంట్ సిఫారసు చేసిన పీఆర్సీ నివేదిక.. ఉద్యోగుల ఆకాంక్షలపై నిప్పులు పోసిందని మండిపడ్డారు.
7.5 ఫిట్మెంట్ దారుణం: విజయశాంతి - విజయశాంతి వార్తలు
ప్రభుత్వ ఉద్యోగులు ఏళ్ల తరబడి కళ్లు కాయలు కాసేలా వేచి చూస్తే.. నిరాశే ఎదురైందని భాజపా నేత విజయశాంతి అన్నారు. పీఆర్సీ సిఫారసుతో ఉద్యోగులు ఆవేదన చెందుతున్నారని అన్నారు.
7.5 ఫిట్మెంట్ దారుణం: విజయశాంతి
ఉద్యోగులు 65 శాతం ఫిట్మెంట్ ఆశిస్తే... అందులో సగం కూడా లేదన్నారు. ఈ ముఖ్యమంత్రి తమకు కమీషన్ రాని పనులు చేయడని విమర్శించారు. కమీషన్లు దొరికే మోసపు ప్రాజెక్టులకు మాత్రం ఎంతైనా ఖర్చు చేస్తారని ఆరోపించారు.
ఇదీ చదవండి:ఇంటర్‌ పరీక్షల షెడ్యూల్‌ విడుదల