అయోధ్య రామాలయానికి విరాళాలివ్వొద్దని తమ ద్వేష మనస్తత్వాన్ని బయటపెట్టుకున్నారని తెరాసపై సినీనటి, భాజపా నేత విజయశాంతి విమర్శించారు. దేవుళ్లకు కూడా ప్రాంతీయవాదం అంటగట్టే వైపరీత్య మనస్తత్వం తెరాస నేతలకే చెల్లిందన్నారు. దేశంలో మనది ఏ రాష్ట్రమైనా ముందుగా భారతీయులమనే విజ్ఞత మరచి అయోధ్య రాముడు... తెలంగాణ రాముడంటూ విడదీస్తున్నారని మండిపడ్డారు.
దేవుళ్లకు ప్రాంతీయత అంటగడతారా..?: విజయశాంతి
దేవుళ్లకు కూడా ప్రాంతీయవాదం అంటగట్టే వైపరీత్య మనస్తత్వం తెరాస నేతలకే చెల్లిందని సినీనటి, భాజపా నేత విజయశాంతి అన్నారు. దేశంలో మనది ఏ రాష్ట్రమైనా ముందుగా భారతీయులమనే విజ్ఞత మరచి అయోధ్య రాముడు... తెలంగాణ రాముడంటూ విడదీస్తారా అంటూ మండిపడ్డారు.
దేవుళ్లకు ప్రాంతీయత అంటగడతున్నారు: విజయశాంతి
విరాళాన్ని భిక్షం అంటూ.. ఆరాధ్య భావంతో చేసే సమర్పణకు, అడుక్కోవడానికి తేడా తెలియని తమ అజ్ఞానాన్ని ప్రజలకు తెలియజేశారని దుయ్యబట్టారు. మన దగ్గర రాముడి ఆలయాలు లేవా... అంటున్న ఆ తెరాస నేత.. ఇళ్లలోనే పూజామందిరాలు ఉన్నప్పుడు గుళ్లకు... పుణ్యక్షేత్రాలకు వెళ్లడం దేనికో.... చెప్పాలని ప్రశ్నించారు. ఇలా తలతిక్కగా మాట్లాడి అహంకారాన్ని ప్రదర్శించే తెరాస నేతలను ప్రజలు ఇళ్లకే పరిమితం చేస్తారనే సంగతి గుర్తుంచుకోవాలని హెచ్చరించారు.