'మద్యం వల్లే మహిళలపై అఘాయిత్యాలు'

మద్యం వల్లే మహిళలపై అఘాయిత్యాలు జరుగుతున్నాయని భాజపా నేత, మాజీ మంత్రి డీకే అరుణ అభిప్రాయపడ్డారు.    తెలంగాణలో మద్యం నిషేధించాలని డిమాండ్​ చేశారు.

రాష్ట్రంలో మద్యం నిషేధించాలని ఈనెల 12, 13న మాజీ మంత్రి, భాజపా నాయకురాలు డీకే అరుణ నిరాహార దీక్ష చేయనున్నట్లు ప్రకటించారు. మద్యం వల్లే మహిళలపై అఘాయిత్యాలు జరుగుతున్నాయని అభిప్రాయపడ్డారు.

వరంగల్​ బాధితురాలి హత్యపై ఆమె కుటుంబ సభ్యులకు అనుమానాలున్నాయని అరుణ తెలిపారు. ఇద్దరు నిందితులను పోలీసులు కాపాడుతున్నారని అనుమానం వ్యక్తం చేశారు.

ఫాస్ట్​ ట్రాక్​ కోర్టు ద్వారా నిందితులను విచారించి, కఠినంగా శిక్షించాలని మాజీ మంత్రి డిమాండ్​ చేశారు. దిశకు న్యాయం చేసినట్లే వరంగల్​, ఆసిఫాబాద్​ మృతులకు న్యాయం చేయాలని కోరారు. ఆ కుటుంబాలు రాష్ట్రంలో మద్యం నిషేధించాలని కోరుతున్నట్లు తెలిపారు.

• ఇదీ చూడండి : ఓ దాత... మీ సహృదయతే మా విధిరాత!