రైతు బంధు జీవోను స్వాగతిస్తున్నాం కానీ..

రైతు బంధు పథకం కింద రూ.5,100 కోట్లు విడుదల చేయడాన్ని స్వాగతిస్తున్నామని భాజపా రాష్ట్ర అధ్యక్షుడు లక్ష్మణ్​ తెలిపారు. పుర పోలింగ్​కు కేవలం ఒక్కరోజు ముందుగా జీవో ఇవ్వడాన్ని తప్పుబట్టారు.

రబీ రైతులకు రైతుబంధు కింద రూ.5,100 కోట్లు విడుదల చేయడాన్ని భారతీయ జనతా పార్టీ స్వాగతించింది. అనేక నెలలుగా రైతులందరికీ రైతుబంధు సాయం చేయాలని డిమాండ్​ చేస్తున్నట్లు ఆ పార్టీ రాష్ట్ర అధ్యక్షుడు లక్ష్మణ్​ తెలిపారు. ఇంకా చాలా మంది అన్నదాతలకు ప్రభుత్వ సాయం అందలేదన్నారు.

ప్రభుత్వం అవకాశవాద రాజకీయాలకు పాల్పడుతోందని లక్ష్మణ్​ మండిపడ్డారు. పురపాలక ఎన్నికల పోలింగ్​కు ఒక్కరోజు ముందు జీవో ఇవ్వడాన్ని తప్పుపట్టారు. తెలంగాణ ప్రజలు మేధావులని, ఆలోచించాలని కోరారు. ప్రజాస్వామ్య విలువలకు ముఖ్యమంత్రి కేసీఆర్ తిలోదాకాలివ్వడం ఇది మొదటిసారి కాదని విమర్శించారు. అవకాశవాద, మోసపూరిత రాజకీయాలకు కేసీఆర్​ పెట్టింది పేరని లక్ష్మణ్​ మండిపడ్డారు.

ఇవీచూడండి: రైతుబంధుకు రూ.5100 కోట్లు మంజూరు