భాజపా నేతలు, పోలీసుల వాగ్వాదం... ఆస్పత్రిలో కార్పొరేటర్

నగరంలోని మీర్​పేట్​ మున్సిపల్ కార్పోరేషన్​ పరిధిలో ​భారతీయ జనతా పార్టీ కార్యకర్తలు, పోలీసుల మధ్య స్వల్ప తోపులాట జరిగింది. తమ పార్టీకి చెందిన దిమ్మెను మున్సిపల్​ కమిషనర్ అక్రమంగా తొలగించారని ఆరోపిస్తూ కార్యకర్తలు కార్పోరేషన్​ ముట్టడికి యత్నించారు.

హైదరాబాద్​లోని మీర్​పేట్​ మున్సిపల్​ కమిషనర్ తమ పార్టీకి చెందిన దిమ్మెను అన్యాయంగా తొలగించారని ఆరోపిస్తూ భారతీయ జనతా పార్టీకి చెందిన నేతలు, కార్యకర్తలు కార్పోరేషన్​ కార్యాలయ ముట్టడికి యత్నించారు. పోలీసులు వారిని అడ్డుకోవడంతో స్వల్ప ఉద్రిక్తత నెలకొంది.

భాజపా నేతల ఆందోళనను పోలీసులు అడ్డుకోవడంతో వారి మధ్య తోపులాట జరిగింది. భారీగా మొహరించిన పోలీసులు పలువురు అందోళనకారులను అదుపులోకి తీసుకున్నారు. ఈ ఘర్షణలో 29వ వార్డు కార్పొరేటర్ లీలారవి నాయక్ సృహ తప్పి పడిపోవడంతో హుటాహుటిన ఆమెను హాస్పిటల్​కు తరలించారు.

ఇదీ చదవండి :రోడ్డు ప్రమాదం.. కారులో మాజీ క్రికెటర్ అజారుద్దీన్​