BJP besiege On Command Control Center: హైదరాబాద్లోని కమాండ్ కంట్రోల్ కేంద్రాన్ని ముట్టడించేందుకు ప్రయత్నించిన భాజపా నాయకులను పోలీసులు అరెస్ట్‌ చేశారు. హైదరాబాద్ భాజపా జిల్లా అధ్యక్షుడు గౌతమ్‌రావుతోపాటు పలువురు కార్యకర్తలను పోలీసులు అదుపులోకి తీసుకున్నారు. తెరాస దాడులకు పాల్పడుతున్నా పోలీసులు ఏకపక్షంగా వ్యవహరిస్తున్నారంటూ కమాండ్ కంట్రోల్ ముట్టడికి భాజపా పిలుపునిచ్చింది. జూబ్లీహిల్స్ సీఐ రాజశేఖర్ రెడ్డిని వెంటనే సస్పెండ్ చేయాలని వారు డిమాండ్‌ చేశారు.
కమాండ్ కంట్రోల్ కేంద్రం ముట్టడికి భాజపా యత్నం
సికింద్రాబాద్‌, హైదరాబాద్ సెంట్రల్‌ జిల్లా కమిటీల అధ్వర్యంలో బంజారాహిల్స్‌లోని పోలీస్‌ కమాండ్ కంట్రోల్ సెంటర్‌ ముట్టడికి పిలుపునివ్వగా ముందస్తుగా పలువురిని పోలీసులు అదుపులోకి తీసుకున్నారు మాజీ ఎమ్మెల్సీ రాంచందర్‌ రావును తార్నాకలోని నివాసంలో పోలీసులు గృహా నిర్భంధం చేశారు.