'కేసీఆర్ మొండివైఖరి వల్లే కాళేశ్వరం పూర్తయింది'

ముఖ్యమంత్రి కేసీఆర్ మొండివైఖరితో ఉండడం వల్లే కాళేశ్వరం ప్రాజెక్టు పుర్తైందని, రాష్ట్రంలో కృష్ణా, గోదావరి జలాలను సద్వినియోగం చేయడానికి ఆయన చేస్తున్న కృషి గొప్పదని శాసనమండలి ఛైర్మన్ గుత్తా సుఖేందర్ రెడ్డి అన్నారు.

హైదరాబాద్​లోని విశ్వేశ్వరయ్య భవన్​లో నిర్వహించిన మూడో ఇరిగేషన్​ దివోత్సవానికి రాష్ట్ర శాసన మండలి ఛైర్మన్ గుత్తా సుఖేందర్ రెడ్డి ముఖ్య అతిథిగా హాజరయ్యారు. రాష్ట్రంలో ఏ చెరువులో ఎంత నీరు లభ్యమవుతుంది అనే రికార్డులతో సహా ముఖ్యమంత్రి కేసీఆర్​కు అవగాహన ఉందని ఆయన అన్నారు.

అన్ని ప్రాంతాలకు సాగునీరు అందించేందుకు సీఎం చేస్తున్న కృషిని ప్రతిఒక్కరు అభినందించాలని గుత్తా తెలిపారు. ముఖ్యమంత్రి కేసీఆర్ చేస్తున్న ప్రయత్నాలకు చేయూతనిచ్చి ప్రాజెక్టులు పూర్తి చేయడంలో సహకారాన్ని అందజేయాలని ఇంజినీర్లను కోరారు.

ఇదీ చూడండి : ఆ ఒక్కటి పక్కనబెడతాం.. మిగతావి పరిష్కరించండి