సందడిగా బీవోబీ వ్యవస్థాపక దినోత్సవం

హైదరాబాద్ నెక్లెస్ రోడ్​లో బ్యాంక్ ఆఫ్ బరోడా 5కె రన్ నిర్వహించింది. బ్యాంక్ 112వ వ్యవస్థాపక దినోత్సవం సందర్భంగా ఈ కార్యక్రమం చేపట్టింది.

నెక్లెస్​ రోడ్​లో సంజీవయ్య పార్క్ నుంచి జల విహార్ వరకు బ్యాంక్ ఆఫ్ బరోడా 5కె రన్ జరిగింది. ఈ పరుగులో పెద్ద సంఖ్యలో బ్యాంక్ ఉద్యోగులు పాల్గొన్నారు. అనంతరం కేక్ కట్ చేసి వ్యవస్థాపక దినోత్సవ సంబరాలు జరుపుకున్నారు.

బ్యాంకులో రూ.400కోట్ల డిపాజిట్లు
బ్యాంక్​లో విజయ, దేనా బ్యాంక్​లు విలీనం అయినప్పటి నుంచి ప్రజలకు మరింత మెరుగైన సేవలు అందిస్తున్నామని జనరల్ మేనేజర్ శ్రీనివాస్ తెలిపారు. సంస్థ రోజువారీ వ్యాపారం 15లక్షల కోట్లకు చేరిందన్నారు. ప్రస్తుతం తమ వద్ద డిపాజిట్స్ 400కోట్లకు చేరుకున్నాయని శ్రీనివాస్ తెలిపారు.

ఇదీ చూడండి: ట్రక్కును ఢీకొన్న కారు...9 మంది విద్యార్థులు మృతి