రెండు గంటల్లోనే దారుస్సలాంను నేలమట్టం చేస్తాం: బండి సంజయ్

హైదరాబాద్‌లో ఎమ్మెల్యే అక్బరుద్దీన్‌ ఒవైసీ చేసిన వ్యాఖ్యలపై భాజపా రాష్ట్ర అధ్యక్షుడు బండి సంజయ్‌ మండిపడ్డారు. ట్యాంక్‌బండ్‌పై దివంగత నేతలు పీవీ, ఎన్టీఆర్​ విగ్రహాలను కూల్చే దమ్ము మజ్లిస్‌కు ఉందా అని సవాల్ విసిరారు.

గ్రేటర్‌ ఎన్నికల ప్రచారంలో భాజపా, మజ్లిస్‌ పార్టీల మధ్య మాటాల తూటాలు పేలాయి. నగరంలో అక్రమ నిర్మాణాలను కూల్చేస్తున్న ప్రభుత్వానికి ధైర్యముంటే... ట్యాంక్‌బండ్‌పై పీవీ, ఎన్టీఆర్​ ఘాట్లను తొలగించాలని ఎంఐఎం ఎమ్మెల్యే అక్బరుద్దీన్‌ సవాల్‌ విసిరారు. ఒవైసీ వ్యాఖ్యలకు దీటుగా బదులిచ్చారు భాజపా రాష్ట్ర అధ్యక్షుడు బండి సంజయ్‌.

తెరాస చెప్పినట్లుగా ఆడే మజ్లిస్‌ పార్టీకి దమ్ముంటే.... పీవీ, ఎన్టీఆర్​ విగ్రహాలను కూల్చాలని సవాల్ విసిరారు. తాము తలుచుకుంటే రెండు గంటల్లోనే దారుస్సలాంను నేలమట్టం చేస్తామని హెచ్చరించారు.

• ఇదీ చూడండి:శాంతిభద్రతల విషయంలో రాజీపడే ప్రసక్తే లేదు: కేటీఆర్