Azharuddin on ind aus match tickets చాలా ఏళ్లకు హైదరాబాద్‌లో అంతర్జాతీయ మ్యాచ్ నిర్వహించే అవకాశం దక్కిందని హెచ్‌సీఏ పేర్కొంది. ప్రతి ఒక్కరు మ్యాచ్‌ను విజయవంతం చేయాలని కోరుతున్నామని హెచ్‌సీఏ అధ్యక్షుడు అజారుద్దీన్ తెలిపారు. మ్యాచ్‌కు సంబంధించిన అన్ని ఏర్పాట్లు చేశామని వెల్లడించారు. పేటీఎం ద్వారా టిక్కెట్లు విక్రయించామని స్పష్టం చేశారు. బ్లాక్‌లో టిక్కెట్లు అమ్మేవారిపై కఠినంగా వ్యవహరిస్తామని తెలిపారు. బ్లాక్‌లో టిక్కెట్లు అమ్ముతున్నారనే వదంతులు ఎలా వచ్చాయో తెలియదని చెప్పారు. బ్లాక్‌లో టిక్కెట్లు అమ్మేవారిపై పోలీసులు చర్యలు తీసుకుంటారని వివరించారు. టిక్కెట్ల విక్రయాల్లో హెచ్‌సీఏ నుంచి ఎలాంటి పొరపాట్లు జరగలేదని సమర్థించుకున్నారు.
నిన్నటి ఘటన చాలా బాధాకరమని హెచ్‌సీఏ పేర్కొంది. బాధితులందరికీ హెచ్‌సీఏ తరఫున వైద్యం అందిస్తామని అజారుద్దీన్ తెలిపారు. టిక్కెట్ల విక్రయాల బాధ్యత పేటీఎంకు ఔట్ సోర్సింగ్‌ ఇచ్చామన్నారు. విక్రయానికి హెచ్సీఏకు ఎలాంటి సంబంధం లేదని తేల్చి చెప్పారు.