మాదక ద్రవ్యాల నిరోధానికి పోలీసుశాఖ నడుం బిగించింది. యువతలో అవగాహన కల్పించేందుకు విస్తృతంగా కార్యక్రమాలు చేపడుతోంది. డ్రగ్స్ వల్ల కలిగే దుష్ఫలితాలపై కళాశాలలు, పాఠశాలల్లో ప్రచారం కల్పిస్తోంది (Awareness walk on drugs at OU). ఆదివారం ఉస్మానియా విశ్వవిద్యాలయం ఆర్ట్స్‌ కళాశాల వద్ద విద్యార్థులతో కలిసి పోలీసులు అవగాహన నడక నిర్వహించారు. కార్యక్రమాన్ని నగర పోలీసు కమిషనర్‌ అంజనీకుమార్ (anjani kumar) ప్రారంభించారు. మాదకద్రవ్యాలు తీసుకోవడం వలన కలిగే నష్టాలను ఆయన విద్యార్థులకు వివరించారు.
దేశవ్యాప్తంగా ఉన్న నగరాలతో పోలిస్తే హైదరాబాద్‌లో మాదక ద్రవ్యాల తీవ్రత అంతగా లేదని... అయినప్పటికీ అప్రమత్తంగా ఉండాల్సిన అవసరం ఉందని ఆయన సూచించారు. కార్యక్రమంలో ఎమ్మెల్యేలు కాలేరు వెంకటేశ్, సుభాశ్ రెడ్డితో పాటు ఉస్మానియా విశ్వవిద్యాలయం ఉపకులపతి ప్రొఫెసర్‌ రవీందర్‌ పాల్గొన్నారు.