'ఎస్సీ, ఎస్టీ చట్టం అమలులో నిర్లక్ష్యం'పై సదస్సు

ఎస్సీ, ఎస్టీ ప్రత్యేక అభివృద్ధి నిధులను రాష్ట్ర ప్రభుత్వం దారి మళ్లిస్తోందని దళిత ఉమెన్​ నెట్​వర్క్​ ప్రతినిధులు ఆవేదన వ్యక్తం చేశారు. ఎస్సీ, ఎస్టీ సబ్​ప్లాన్​ చట్టాన్ని ప్రభుత్వం నీరుగారుస్తోందని ఆరోపించారు.

హైదరాబాద్​ బాగ్​లింగంపల్లి సుందరయ్య విజ్ఞాన కేంద్రంలో... దళిత ఉమెన్​ నెట్​వర్క్​-ఎస్సీ, ఎస్టీ బడ్జెట్ మానిటరింగ్​ కమిటీ సంయుక్తంగా 'ఎస్సీ, ఎస్టీ చట్టం అమలులో నిర్లక్ష్యం వివక్ష' అనే అంశంపై సదస్సు నిర్వహించారు. ఎస్సీ, ఎస్టీ ప్రత్యేక అభివృద్ధి నిధులను రాష్ట్ర ప్రభుత్వం దారి మళ్లిస్తూ... వారి జీవన ప్రమాణాలను దెబ్బతీస్తున్నారని దళిత ఉమెన్ నెట్​వర్క్​ కన్వీనర్​ విజయ కుమారి ఆరోపించారు.

ఉమ్మడి రాష్ట్రంలో దళిత, గిరిజన సంఘాల మేథావులు, రిటైర్డు అధికారులు... ఎస్సీ, ఎస్టీ సబ్​ప్లాన్​ చట్ట సాధన కోసం చేసిన కృషిని రాష్ట్ర ప్రభుత్వం నీరుగారుస్తోందని విజయ కుమారి ఆవేదన వ్యక్తం చేశారు. ఎస్టీ, ఎస్టీ ప్రత్యేక అభివృద్ధి నిధులు దళిత మహిళల సంక్షేమానికి వినియోగించాలని దళిత ఉమెన్​ నెట్​వర్క్​ ప్రతినిధి డాక్టర్ ప్రమిళ డిమాండ్​ చేశారు.

ఇదీ చూడండి:ఏం చేశారని నిలదీసిన స్థానికుడు... కోపానికొచ్చిన మంత్రి