హైదరాబాద్ జీడిమెట్ల పరిధిలోని అపురూప కాలనీలో నివాసం ఉంటున్న శ్రీనివాస రావు కెమికల్ సాల్వెంట్ వ్యాపారం నిర్వహిస్తున్నాడు. వీరికి రావాల్సిన 8 లక్షల రూపాయలను సత్యనారాయణ రాజు అనే వ్యక్తి చెల్లిస్తానని చెప్పి... శ్రీనివాస రావు కొడుకు సంతోష్కు రాత్రి ఫోన్ చేశాడు. అనంతరం అపురూప కాలనీలోని ఆఫీస్ వద్దకు రావాలంటూ పిలిపించాడు.
4 కత్తి పోట్లు...
సంతోష్ అక్కడికి వెళ్లే సరికే పథకం ప్రకారం సంతోష్తో వాగ్వాదానికి దిగాడు సత్యనారాయణ రాజు. తన అనుచరులు ఇమ్రాన్, ప్రణీత్లతో కలిసి కత్తులతో సంతోష్పై దాడి చేశాడు. 4 కత్తి పోట్లతో తీవ్రంగా గాయపడిన బాధితుడిని... స్థానికులు సమీపంలోని ఓ ప్రైవేట్ ఆసుపత్రికి తరలించారు.
ప్రస్తుతం సంతోష్ పరిస్థితి నిలకడగా ఉంది. కేసు నమోదు చేసుకున్న జీడిమెట్ల పోలీసులు దర్యాప్తు చేస్తున్నారు. ఆర్థిక లావాదేవీలే హత్యాయత్నానికి కారణమని పోలీసులు భావిస్తున్నారు.
TAGGED:
yuvakudi pai katthitho daadi