ఉత్తమ్ రెడ్డి వ్యాఖ్యలను ఖండించిన అసదుద్దీన్

హైదరాబాద్ నగర పోలీస్ కమిషనర్ అంజనీకుమార్​పై పీసీసీ చీఫ్ ఉత్తమ్ కుమార్ రెడ్డి చేసిన వ్యాఖ్యలను మజ్లిస్ అధ్యక్షుడు అసదుద్దీన్ ఒవైసీ తప్పుబట్టారు.

హైదరాబాద్​ నగర సీపీ అంజనీ కుమార్​పై ఉత్తమ్​కుమార్ రెడ్డి చేసిన వ్యాఖ్యలను అసదుద్దీన్ ఓవైసీ ఖండించారు. అటువంటి వ్యాఖ్యలు సరికాదంటూ ట్విట్టర్ వేదికగా వెల్లడించారు. దారుస్సలాంలో చాలా స్థలం ఉండటం వల్ల మజ్లీస్​కు అనుమతి దొరికిందని ఆయన పేర్కొన్నారు.

పౌరసత్వ చట్టానికి వ్యతిరేకంగా నిరసన తెలుపుతున్న కాంగ్రెస్ పార్టీ... నిజామాబాద్​లో తాము నిర్వహించిన సభకు ఆహ్వానిస్తే రాలేదని వ్యాఖ్యానించారు. జనవరి 4 లేదా 5వ తేదీన ర్యాలీకి అనుమతివ్వాలని... డిసెంబర్ 20వ తేదీనే సీపీకి దరఖాస్తు చేసినట్లు తెలిపారు.

ఇవీ చూడండి: జైల్లో ఉన్న అధికారికి పరామర్శ