ఏపీలో ఉమ్మడి ప్రవేశ పరీక్షలకు దరఖాస్తు గడువు పెంపు

ఆంధ్రప్రదేశ్​లో ఎంసెట్‌ సహా నాలుగు ఉమ్మడి ప్రవేశ పరీక్షలకు దరఖాస్తు గడువు పెంచారు. అపరాధ రుసుముతో గడువును పొడిగిస్తూ ఉన్నత విద్యా మండలి ప్రకటన విడుదల చేసింది. కొవిడ్ కారణంగా దరఖాస్తు చేసుకోలేకపోయిన వారికి వీలుగా ఈ నిర్ణయం తీసుకునట్లు పేర్కొంది.

ఏపీలో ఎంసెట్‌ సహా మరో నాలుగు ఉమ్మడి ప్రవేశ పరీక్షలకు అపరాధ రుసుముతో దరఖాస్తు చేసుకునేందుకు గడువును పొడిగిస్తూ ఉన్నత విద్యా మండలి ప్రకటన విడుదల చేసింది. కరోనా కారణంగా దరఖాస్తు చేసుకోలేకపోయిన విద్యార్థులకు అవకాశం కల్పించేందుకు ఈ నిర్ణయం తీసుకున్నట్లు పేర్కొంది.

ఎస్‌డబ్ల్యూ-3 కింద ప్రత్యేక పరీక్ష ద్వారా ప్రవేశాలు నిర్వహించేందుకు కళాశాలలు రిజిస్ట్రేషన్‌ చేసుకోవాలని సూచించింది. వాటికి ఎంసెట్‌తో సంబంధం లేకుండా ఉన్నత విద్య నియంత్రణ, పర్యవేక్షణ కమిషన్‌ ప్రత్యేకంగా పరీక్ష నిర్వహించనుంది.

ఇదీ చదవండి:'77 ఏళ్ల వయసులో లా ఎందుకు చదవకూడదు?'