ఏపీకి రాజధాని విశాఖనేనంటూ జగన్ కీలక వ్యాఖ్యలు
AP CM Jagan comments on visakhapatnam Capital : విశాఖ రాజధానిపై ముఖ్యమంత్రి జగన్ కీలక వ్యాఖ్యలు చేశారు. రాష్ట్ర రాజధాని త్వరలోనే విశాఖకు తరలివెళ్తుందని పునరుద్ఘాటించారు. దిల్లీలో జరుగుతున్న గ్లోబల్ ఇన్వెస్టర్ల సదస్సులో పాల్గొన్న జగన్.. అదే వేదిక నుంచి ఈ ప్రకటన చేశారు. తాను కూడా విశాఖకు మకాం మారుస్తానన్నారు. మార్చి 3, 4 తేదీల్లో విశాఖలో ఇన్వెస్టర్ల సదస్సు జరగనుందని వెల్లడించిన జగన్.. అక్కడికి కూడా రావాలని సదస్సులో పాల్గొన్న వివిధ సంస్థల ప్రతినిధులను కోరారు. అందరినీ మరోసారి విశాఖలో కలవాలని ఆకాంక్షించారు.