అనురాగ్ శర్మ పదవీ కాలం మరో మూడేళ్లు పొడిగింపు

అనురాగ్​ శర్మ పదవీకాలాన్ని రాష్ట్ర ప్రభుత్వం పొడిగించింది. తాజా ఉత్తర్వులతో మరో మూడేళ్లు ఆయన పదవిలో కొనసాగుతారు.

విశ్రాంత ఐపీఎస్​ అధికారి అనురాగ్ శర్మ పదవీ కాలాన్ని ప్రభుత్వం పొడిగించింది. పోలీస్, శాంతిభద్రతలు, నేర నియంత్రణలో ప్రభుత్వ సలహాదారుగా కొనసాగుతున్న అనురాగ్ శర్మ పదవీ కాలాన్ని మరో మూడేళ్లు పొడిగించారు. ఈ మేరకు ప్రభుత్వ ప్రధాన కార్యదర్శి సోమేశ్ కుమార్ ఉత్తర్వులు జారీ చేశారు. 1982 ఐపీఎస్ బ్యాచ్​కు చెందిన అనురాగ్ శర్మ తెలంగాణ తొలి డీజీపీగా పనిచేశారు.

2017 నవంబర్​లో పదవీ విరమణ పొందిన వెంటనే సలహాదారుగా ప్రభుత్వం నియమించింది. మూడేళ్ల పదవీ కాలం ఈ నెలతో ముగియనుండటం వల్ల మరో మూడేళ్ల పాటు అనురాగ్ శర్మ పదవీకాలాన్ని ప్రభుత్వం పొడిగించింది. ఈ నెల 12వ తేదీ నుంచి మరో మూడేళ్ల పాటు పొడిగింపు కొనసాగనుంది.

ఇవీ చూడండి: రాష్ట్రంలో అన్ని కోర్టులు తెరవాలని హైకోర్టు నిర్ణయం