three more TIMS hospitals Construction: కొత్త ఆస్పత్రుల నిర్మాణంపై దృష్టి సారించిన సర్కారు

హైదరాబాద్ నగరంలో కొత్త ఆస్పత్రుల నిర్మాణంతో పాటు నిమ్స్ విస్తరణ పనులపై రాష్ట్ర ప్రభుత్వం దృష్టి సారించింది (three more TIMS hospitals). వీలైనంత త్వరగా పనులను ప్రారంభించేందుకు సర్కారు యోచిస్తోంది. గడ్డిఅన్నారం, అల్వాల్, ఎర్రగడ్డలో టిమ్స్ ఆస్పత్రుల నిర్మాణం దిశగా సన్నాహాలు చేస్తోంది. అటు నిమ్స్ ఆస్పత్రిని దేశంలోనే ఎక్కువ పడకలున్న ఆస్పత్రిగా తీర్చిదిద్దేందుకు సర్కారు సిద్ధమవుతోంది.

రాజధాని హైదరాబాద్​లో పేదలు, మధ్యతరగతి వారికి నాణ్యమైన వైద్యసేవలు అందించే లక్ష్యంతో టిమ్స్ (three more TIMS hospitals IN HYDERABAD ) ఆస్పత్రులు నిర్మించాలని నిర్ణయించిన రాష్ట్ర ప్రభుత్వం... ఆ పనుల ప్రారంభానికి సమాయత్తమవుతోంది (three more TIMS hospitals ). ఇప్పటికే గచ్చిబౌలిలో కొనసాగుతున్న టిమ్స్​కు అదనంగా గడ్డిఅన్నారం, అల్వాల్, ఎర్రగడ్డలో మరో మూడు టిమ్స్ ఆస్పత్రులను నిర్మించాలని ప్రభుత్వం నిర్ణయించింది. వీలైనంత త్వరగా అధునాతనమైన సౌకర్యాలతో కార్పొరేట్ ఆస్పత్రులను తలదన్నేలా వీటిని నిర్మించాలని భావిస్తున్నారు. ఈ దవాఖానాల్లో అన్ని రకాల సేవలను అందుబాటులోకి తీసుకురానున్నారు.

పూర్తైన స్థలాల గుర్తింపు ప్రక్రియ

మూడు వైద్యశాలల నిర్మాణం కోసం స్థలాల గుర్తింపు ప్రక్రియ పూర్తైంది (three more TIMS hospitals). టిమ్స్ నిర్మాణం కోసం గడ్డిఅన్నారం పండ్ల మార్కెట్​ను తాత్కాలికంగా బాటసింగారం లాజిస్టిక్ పార్కుకు తరలించారు. దసరా రోజు అక్కడ కార్యకలాపాలు కూడా ప్రారంభమయ్యాయి. అక్కడకు వెళ్లేలా ప్రభుత్వం వ్యాపారులను ఒప్పించింది. మార్కెట్ తరలింపు అంశం హైకోర్టులో ఉంది. వ్యాజ్యాన్ని ఉపసంహరించేందుకు ప్రయత్నాలు జరుగుతున్నాయి. ఈ నెల 18న న్యాయస్థానంలో ఇందుకు సంబంధించి స్పష్టత వస్తే ఆ తర్వాత ఆస్పత్రి నిర్మాణానికి కసరత్తు ప్రారంభించాలని ప్రభుత్వం భావిస్తోంది.

త్వరలోనే నిర్మాణ పనులు

అల్వాల్​లో ఆస్పత్రి నిర్మాణం కోసం 26 ఎకరాల స్థలాన్ని ప్రభుత్వం స్వాధీనం చేసుకొంది. భారతీయ విద్యాభవన్​కు చెందిన ఆ స్థలాన్ని తీసుకొన్న ప్రభుత్వం... వారికి వేరే చోట స్థలాన్ని కేటాయించింది. ఎర్రగడ్డలోని ఛాతి ఆస్పత్రి స్థలంలో టిమ్స్ (three more TIMS hospitals) నిర్మాణాన్ని చేపట్టనున్నారు. వీలైనంత త్వరగా ఈ వైద్యశాలల నిర్మాణం పనులను ప్రారంభించాలన్న యోచనలో ప్రభుత్వం ఉంది. రహదార్లు, భవనాల శాఖ ద్వారా భవనాల నిర్మాణాన్ని చేపట్టాలని ఇప్పటికే నిర్ణయించారు.

నిమ్స్​ను కూడా విస్తరించేలా..

అటు నిజాం ఇనిస్టిట్యూట్ ఆఫ్ మెడికల్ సైన్సెస్ (నిమ్స్) ఆస్పత్రిని (NIMS HOSPITAL) కూడా భారీ స్థాయిలో విస్తరించేందుకు రాష్ట్ర ప్రభుత్వం సిద్ధమైంది. నిమ్స్ పక్కనున్న ఎర్రమంజిల్ కాలనీ స్థలాన్ని ప్రభుత్వం దవాఖానా విస్తరణకు కేటాయించింది. 16 ఎకరాల స్థలం అదనంగా అందుబాటులోకి రానుంది. దేశంలోనే అత్యధిక పడకలున్న ఆస్పత్రిగా... నిమ్స్​ను తీర్చిదిద్దేందుకు రాష్ట్ర ప్రభుత్వం ప్రయత్నిస్తోంది. ప్రస్తుతం నిమ్స్​లో 2,000 పడకలు ఉండగా... అదనంగా మరో 3,500 వరకు పడకలు అందుబాటులోకి తీసుకురావాలని భావిస్తోంది. దీంతో పడకల సంఖ్య 5,500 మార్కును దాటే అవకాశం ఉంది.

నిమ్స్​లో పీజీ సీట్లు పెరిగే అవకాశం

ఇప్పటి వరకు నిమ్స్​లో లేని ఇతర విభాగాలు, సేవలను కూడా అందుబాటులోకి తీసుకురావాలని ప్రభుత్వం ప్రణాళికలు సిద్ధం చేస్తోంది. పడకల సంఖ్య భారీగా పెరిగితే పీజీ సీట్ల సంఖ్య కూడా భారీగా పెరగనుంది. ఇప్పటికే పీజీ విద్య కోసం విద్యార్థులు ఎక్కువగా నిమ్స్ వైపు చూస్తున్నారు. మంచి ర్యాంకులు వచ్చిన విద్యార్థులు నిమ్స్​లో పీజీ విద్యను అభ్యసించేందుకు ఆసక్తి కనబరుస్తున్నట్లు సమాచారం. పడకల సంఖ్య పెరగడం ద్వారా పీజీ సీట్ల సంఖ్య కూడా భారీగా పెరిగే అవకాశం ఉంది. మూడు కొత్త ఆస్పత్రుల నిర్మాణంతో పాటు నిమ్స్ విస్తరణ పనులను కూడా త్వరగా ప్రారంభించేందుకు ప్రభుత్వం చర్యలు తీసుకుంటోంది.

ఇదీ చూడండి:Telangana Rains: రాష్ట్రవ్యాప్తంగా భారీ వర్షాలు... పొంగిపొర్లుతున్న వాగులు, వంకలు