ఉత్సాహంగా అఖిల భారత అంగన్​వాడీ మహాసభలు

అఖిల భారత అంగన్​వాడీ 9వ మహా సభలకు ఏపీలోని రాజమహేంద్రవరం వేదికైంది. దేశం నలుమూలల నుంచి వేలాదిగా అంగన్​వాడీలు సమావేశానికి తరలివచ్చారు.

అఖిల భారత అంగన్​వాడీ 9వ మహాసభలు.. ఏపీలోని తూర్పుగోదావరి జిల్లా రాజమహేంద్రవరంలో ప్రారంభమయ్యాయి. సుబ్రమణ్యం మైదానంలో ఏర్పాటు చేసిన ఈ కార్యక్రమానికి వేలాదిగా అంగన్​వాడీలు, సుమారు 7 వందల మంది ప్రతినిధులు హాజరయ్యారు. కేంద్ర ప్రభుత్వ నిర్ణయాల కారణంగా ఐసీడీఎస్ విధానం ఎలా ప్రభావితం అవుతుందనే అంశాలపై చర్చించనున్నట్లు అంగన్​వాడీ ఆలిండియా ఫెడరేషన్ ప్రధాన కార్యదర్శి సింధు తెలిపారు.

ఆరు నెలలుగా చాలా రాష్ట్రాల్లో అంగన్​వాడీ కేంద్రాల్లో పోషకాహారం సరిగా అందడం లేదని అన్నారు. గత మూడేళ్లుగా పడుతున్న కష్టాలపై చర్చించామన్నారు. మహా సభలు 20వ తేదీ వరకూ కొనసాగనున్నట్లు వెల్లడించారు.

ఇవీ చూడండి : చేపలవేటకు వెళ్లి విద్యుదాఘాతంతో యువకుడు మృతి