Anandaiah: రహస్య ప్రాంతానికి ఆనందయ్య తరలింపు

కృష్ణపట్నం నుంచి ఆనందయ్యను పోలీసులు రహస్య ప్రాంతానికి తరలించారు. ఆనందయ్య మందు (Anandaiah Medicine)పై తుది నిర్ణయం తీసుకునే వరకు ఆయనను రహస్య ప్రాంతంలోనే ఉంచనున్నారు.

ఆంధ్రప్రదేశ్​లోని నెల్లూరు జిల్లా కృష్ణపట్నం నుంచి రహస్య ప్రాంతానికి ఆనందయ్య తరలించారు. తెల్లవారుజామున ప్రత్యేక పోలీసు బంధోబస్తుతో తీసుకెళ్లారు. ఆనందయ్య మందు కోసం.. ఇతర ప్రాంతాల నుంచి ప్రజలు కృష్ణపట్నం వస్తున్నారు. ఆనందయ్య కోసం వస్తున్న వారికి పోలీసులు అనుమతి నిరాకరించారు. మరోవైపు కృష్ణపట్నంలో 144 సెక్షన్ ఉంది.

ఆనందయ్య మందు పంపిణీపై ఉత్కంఠ కొనసాగుతూనే ఉంది. ఈ నెల 21 నుంచి ఆనందయ్య మందు పంపిణీ నిలిచిపోయింది. తుది నిర్ణయం తీసుకునే వరకు రహస్య ప్రాంతంలోనే ఆనందయ్యను ఉంచనున్నారు.

నెల్లూరు, ముత్తుకూరు నుంచి కృష్ణపట్నం వచ్చే రహదారుల్లో పోలీసు బందోబస్తు ఏర్పాటు చేశారు. ఇతర ప్రాంతాల నుంచి వచ్చేవారిని కృష్ణపట్నంలోకి పోలీసులు అనుమతించట్లేదు.

ఇదీ చదవండి:anjanadri:'కిష్కింధలోనే ఆంజనేయుడి జననం'.. 'కాదు అంజనాద్రిలోనే'