Amit Shah Telangana Tour Schedule: కేంద్ర హోంశాఖ మంత్రి అమిత్ షా(Amit shah) తెలంగాణ పర్యటన ఖరారైంది. ఈ నెల 28న రాష్ట్రానికి రానున్నారు. మధ్యాహ్నం 12:05కి శంషాబాద్ విమానాశ్రయానికి చేరుకోని అక్కడి నుంచి నేరుగా హోటల్‌కు వెళ్లనున్నారు. అనంతరం 12:20 నుంచి 1:45 వరకు ముఖ్య నేతలతో సమావేశంకానున్నారు. తాజా రాజకీయ పరిస్థితులపై నేతలతో చర్చించనున్నారు.
Amit Shah Telangana Tour Schedule : శంషాబాద్లో హోటల్‌ నుంచి 1:50కి కొంగరకలాన్‌ శ్లోక కన్వెన్షన్కు బయల్దేరి వెళ్లనున్నారు. 2:10 నుంచి సాయంత్రం 4:30 వరకు జరిగే రాష్ట్ర విస్తృత సమీక్ష సమావేశంలో పాల్గొననున్నారు. ఈ సమావేశంలో అసెంబ్లీ ఎన్నికల ఫలితాలపై సమీక్షించడంతో పాటు పార్లమెంట్ ఎన్నికలకు సమాయత్తంపై పార్టీ శ్రేణులకు దిశా నిర్ధేశం చేయనున్నారు. సమావేశం అనంతరం తిరిగి శంషాబాద్ హోటల్‌కు చేరుకుంటారు. రాష్ట్ర పర్యటనను ముగించుకుని 5:45కి శంషాబాద్ విమానాశ్రయం నుంచి తిరిగి దిల్లీకి వెళ్లనున్నారు.
తెలంగాణ పార్లమెంట్ ఎన్నికల్లో డబుల్ డిజిట్తో గెలుస్తాం : కిషన్రెడ్డి
Amit shah Meeting to Telangana BJP Leaders : దేశంలో పార్లమెంట్ ఎన్నికలు వచ్చే ఏడాది నాలుగో నెలల్లో జరగునున్నాయి. ఈ నేపథ్యంలో బీజేపీ తమ నాయకులను ఇప్పటి నుంచే సిద్ధం చేస్తోంది. ఆయా రాష్ట్రాల్లో ఉన్నా పార్టీ ప్రముఖ నాయకులకు అగ్ర నేతలు దిశానిర్ధేశం చేస్తున్నారు. ఈ క్రమంలో రాష్ట్రంలో బీజేపీ(BJP) గెలుపు దిశగా పయనించేందుకు నాయకులు కృషి చేస్తున్నారు. ఇప్పటికే జరిగిన అసెంబ్లీ ఎన్నికల్లో అధికంగా సీట్లు రాకపోయినా, ఓట్ల శాతం పెరిగిందని పార్టీ నాయకులు హర్షం వ్యక్తం చేస్తున్నారు.