Amigos Trailer Release at Kurnool: కథానాయకుడు నందమూరి కల్యాణ్రామ్ హీరోగా నటించిన సినిమా 'అమిగోస్'. ఈ చిత్రం ఫిబ్రవరి 10న విడుదల కానుంది. ఈ క్రమంలో చిత్రం ట్రైలర్ను.. ఆంధ్రప్రదేశ్లోని కర్నూలులో స్థానిక శ్రీరామ టాకీస్‌లో విడుదల చేశారు. ఈ సినిమా తప్పక విజయం సాధిస్తుందని కల్యాణ్ రామ్ తెలిపారు. ఆయనను చూసేందుకు అభిమానులు పెద్ద సంఖ్యలో తరలివచ్చారు.
ఇందులో మూడు కోణాల్లో సాగే పాత్రలో కల్యాణ్రామ్ కనిపించారు. కల్యాణ్రామ్ సరసన అషికా రంగనాథ్ నటించింది. ఈ చిత్రానికి జిబ్రాన్‌ సంగీతాన్ని అందించారు. సినిమాటోగ్రఫర్గా ఎస్‌. సౌందర్‌రాజన్‌, ప్రొడక్షన్‌ డిజైనర్గా అవినాష్‌ కొల్లా, ఎడిటర్గా తమ్మిరాజు పనిచేశారు. ఈ సినిమా ద్వారా రాజేంద్ర దర్శకుడిగా పరిచయం అవుతున్నారు. నవీన్‌ యెర్నేని, యలమంచిలి రవిశంకర్‌ నిర్మాతలుగా వ్యవహరిస్తున్నారు. 'ఎమిగోస్‌' అంటే తెలుగులో స్నేహితులు అని అర్థం. 'బింబిసార'తో గతేడాది ఘన విజయాన్ని సొంతం చేసుకున్న కల్యాణ్రామ్ నుంచి ఈ ఏడాది ప్రేక్షకుల ముందుకొస్తున్న చిత్రాల్లో ఇదొకటి.