హైదరాబాద్ పంజాగుట్ట చౌరస్తాలో జీహెచ్ఎంసీ అనుమతి లేకుండా అంబేడ్కర్ విగ్రహాన్ని ఏర్పాటు చేశారన్నారు ఏసీపీ తిరుపతన్న. అంబేడ్కర్ విగ్రహ పరిరక్షణ కమిటీ ఆధ్వర్యంలో రాజ్యాంగ నిర్మాత విగ్రహాన్ని తెల్లవారు జామున ఏర్పాటు చేశారు. విషయం తెలుసుకున్న జీహెచ్ఎంసీ అధికారులు అక్కడికి చేరుకుని విగ్రహాన్ని తొలగిస్తుండగా కమిటీ సభ్యులు అడ్డుకున్నారు. జీహెచ్ఎంసీ అధికారుల ఫిర్యాదుతో ఆందోళనకారులను అదుపులోకి తీసుకున్నారు. అనంతరం విగ్రహాన్ని తొలగించారు. అడ్డుకున్న వ్యక్తులపై కేసు నమోదు చేసినట్లు ఏసీపీ తిరుపతన్న తెలిపారు.
అంబేడ్కర్ విగ్రహాన్ని తొలగించిన జీహెఎంచ్సీ సిబ్బంది