నిబంధనలు పాటిస్తే గులాబీ పువ్వు... ఓ సినిమా టికెట్​

ట్రాఫిక్ పోలీసులు అంటే ఇప్పటివరకు చేతిలో కెమెరా పట్టుకుని ఫోటోలు తీయడం... తనిఖీలు చేస్తూ ట్రాఫిక్ నిబంధనలను అతిక్రమించిన వారిపై జరిమానా విధించడం వంటివి గుర్తొస్తాయి. కానీ అంబర్​పేట పోలీసులు ఓ వినూత్న కార్యక్రమానికి శ్రీకారం చుట్టారు. నింబంధనలు సక్రమంగా పాటించే వారికి సినిమా టికెట్​ బహుమతిగా ఇస్తూ ప్రోత్సహిస్తున్నారు. దీనిపై వాహనదారులు హర్షం వ్యక్తం చేస్తున్నారు.

ట్రాఫిక్​ నియమాలు పాటించే వారిని ప్రోత్సహించేలా అంబర్​పేట పోలీసులు వినూత్న కార్యక్రమానికి శ్రీకారం చుట్టారు. తమ వాహనాలకు ఎలాంటి చలానా లేకుండా... ట్రాఫిక్​ నియమాలు సక్రమంగా పాటించే వారికి ఓ గులాబీ పువ్వుతో పాటు పీవీఆర్​ మల్టీప్లెక్స్​ సినిమా టికెట్​ను బహుమతిగా అందజేశారు. ట్రాఫిక్​ డీసీపీ కె.బాబూరావు ఆధ్వర్యంలో చేపట్టిన ఈ కార్యక్రమంపై వాహనదారులు హర్షం వ్యక్తం చేస్తున్నారు.

ట్రాఫిక్​ నియమాలు పాటించండి

ప్రతి ఒక్కరూ ట్రాఫిక్​ నియమాలు పాటించాలని డీసీపీ కె బాబూరావు సూచించారు. కొత్తగా వచ్చిన నిబంధనల్లో జరిమానా భారీగా ఉన్నందున జాగ్రత్తగా ఉండాలని అన్నారు. కార్యక్రమంలో కాచిగూడ ట్రాఫిక్ ఇన్​స్పెక్టర్​ కులకర్ణి, ఎస్సై సురేందర్ గౌడ్​, ట్రాఫిక్ సిబ్బంది పాల్గొన్నారు.

ఇదీ చూడండి : 2వేల మంది రాజ్​పుత్​ వనితల 'తల్వార్​ రాస్​'