పెంపుడు కుక్కలకు శిక్షణ చాలా అవసరం: అమల
Amala Akkineni : పెంపుడు కుక్కలకు మంచి శిక్షణ ఇవ్వడం చాలా అవసరమని ప్రముఖ సినీ నటి, బ్లూ క్రాస్ సొసైటీ కార్యకర్త అక్కినేని అమల అన్నారు. పెట్స్కి శిక్షణ ఇవ్వడం వలన అందరికి ప్రయోజనం ఉంటుందని.. తద్వారా ప్రతి ఒక్కరు కుక్కలను ఇష్టపడతారని తెలిపారు. హైదరాబాద్‌ గచ్చిబౌలిలో పెంపుడు కుక్కల కోసం కొత్తగా ఏర్పాటు చేసిన 'డాగీ విల్లే-ది కెెనైన్' క్లబ్‌ను అమల ప్రారంభించారు.
Dogs Ville.. The Canine Club : పెంపుడు కుక్కలకు ప్రత్యేక శిక్షణతో పాటు ప్లేజోన్‌ ఏర్పాటు చేయడం అభినందనీయమన్నారు. కరోనా వంటి ఈ సమయంలో ఇలాంటి సెంటర్ చాలా అవసరమని చెప్పారు. బ్లూక్రాస్‌ సొసైటీ ద్వారా వీధి కుక్కలకు వ్యాక్సిన్‌ ఇవ్వడంతో పాటు పిల్లలు పుట్టకుండా ఆపరేషన్ చేస్తున్నట్లు అమల తెలిపారు. ఈ కార్యక్రమంలో అమలతో పాటు మాదాపూర్‌ డీసీపీ శిల్పవల్లి తదితరులు పాల్గొన్నారు.