'గురుకుల పాఠశాలలు మంచి ఫలితాలిస్తున్నాయి'

హైదరాబాద్​లోని మైనార్టీ గురుకుల పాఠశాల ఆ శాఖ సలహాదారు ఏకే ఖాన్​ సందర్శించారు. విద్యార్థులతో  ముచ్చటించారు.

మైనార్టీల విద్యా, అభివృద్ధి కోసం ప్రభుత్వం ప్రారంభించిన మైనార్టీ గురుకుల పాఠశాలలు మంచి ఫలితాలనిచ్చే దిశగా ముందుకు సాగుతున్నాయని రాష్ట్ర మైనార్టీ సంక్షేమ శాఖ సలహాదారుడు ఏకే ఖాన్ అభిప్రాయం వ్యక్తం చేశారు. హైదరాబాద్ బాగ్​లింగంపల్లిలోని ముషీరాబాద్ మైనార్టీ గురుకుల పాఠశాలను ఆయన సందర్శించారు. ఈ సందర్భంగా పాఠశాలలోని కంప్యూటర్ ల్యాబ్​ను ప్రారంభించారు.

గురుకుల పాఠశాలలోని నర్సరీ చిన్నారులతో ముచ్చటించి వారి ప్రతిభను పరీక్షించారు. ప్రస్తుతం రాష్ట్రంలోని అన్ని గురుకుల పాఠశాలలో విద్యార్థులకు అన్ని సౌకర్యాలను కల్పిస్తున్నామని ఆయన వెల్లడించారు. విద్యార్థులు గురుకులాన్ని సద్వినియోగం చేసుకొని అన్నిరంగాల్లో రాణిస్తున్నారని సంతృప్తి వ్యక్తం చేశారు.

ఇదీ చూడండి: ఓ ముఖ్యమంత్రి ఊపిరిపోసిన విజ్ఞాన గనికి ఇప్పుడేమైంది?