ఏఐఎఫ్​డీడబ్యూ ప్రథమ మహాసభల గోడ పత్రిక

హైదరాబాద్​లో అఖిల భారత ప్రజాతంత్ర మహిళా సమాఖ్య ప్రథమ మహాసభలు జరగనున్నాయి. ఇందుకు సంబంధించిన గోడపత్రికను విడుదల చేశారు.

అఖిల భారత ప్రజాతంత్ర మహిళా సమాఖ్య ప్రథమ మహాసభలు హైదరాబాద్​లో మూడు రోజులపాటు నిర్వహించనున్నట్లు మహిళా సమాఖ్య రాష్ట్ర ప్రధాన కార్యదర్శి సుకన్య తెలిపారు. హైదరాబాద్ బాగ్​లింగంపల్లిలోని ఓంకార్ భవన్​లో​ ఈ నెల 29, 30 డిసెంబర్ 1వ తేదీన నిర్వహించే ప్రథమ మహాసభ గోడ పత్రికను సమాఖ్య ప్రతినిధులు ఆవిష్కరించారు.

ఈ మహాసభలకు దేశంలోని 16 రాష్ట్రాల నుంచి మహిళా ప్రతినిధులు, జాతీయ నాయకులు హాజరవుతారని ఆమె వివరించారు. చట్టసభల్లో మహిళలకు 33 శాతం రిజర్వేషన్, మద్యపాన నిషేధం, మహిళా హక్కుల ఉల్లంఘన వంటి అంశాలపై ఈ మహాసభల్లో చర్చించనున్నట్టు ఆమె వివరించారు. దీనికి పెద్ద ఎత్తున మహిళలు తరలిరావాలని ఆమె కోరారు.

ఇదీ చూడండి : అప్పు పుట్టని దైన్యం... ఆర్టీసీ కార్మికుల జీవితం దయనీయం!