వరద బాధితులకు సాయమందించాలి.. కేటీఆర్​కు శ్రవణ్​ లేఖ

జీహెచ్ఎంసీ ఎన్నికల కంటే ముందు వాగ్ధానం చేసిన వరద సాయాన్ని యుద్ధప్రాతిపాదికన విడుదల చేయాలని కోరుతూ ఐటీ, పురపాలక శాఖ మంత్రి కేటీఆర్​కు ఏఐసీసీ అధికార ప్రతినిధి దాసోజు శ్రవణ్ బహిరంగ లేఖ రాశారు. జీహెచ్ఎంసీ ఎన్నికల తర్వాత ఇస్తామన్న వరద సాయం ఏ కారణం చేత ఇవ్వడం లేదని ఆయన ప్రశ్నించారు.

ఏఐసీసీ అధికార ప్రతినిధి దాసోజు శ్రవణ్.. ఐటీ, పురపాలక శాఖ మంత్రి కేటీఆర్​కు లేఖ రాశారు. జీహెచ్ఎంసీ ఎన్నికల కంటే ముందు వాగ్ధానం చేసిన వరద సాయాన్ని యుద్ధప్రాతిపాదికన విడుదల చేయాలని లేఖలో డిమాండ్​ చేశారు. జీహెచ్ఎంసీ ఎన్నికల తర్వాత ఇస్తామన్న వరద సాయం ఏ కారణం చేత ఇవ్వడం లేదని ఆయన ప్రశ్నించారు. 2020 అక్టోబరు నాటి వరద బాధితులు.. దాదాపు 5 లక్షమంది నష్ట పరిహారం కోసం ఎదురు చూస్తున్నారన్నారు.

పరిహారం ఎప్పుడు చెల్లిస్తారో కేటీఆర్ చెప్పాలని శ్రవణ్​ డిమాండ్ చేశారు. గత కొద్ది రోజులుగా కురుస్తున్న వర్షాలు కారణంగా దాదాపు 200కోట్ల రూపాయిల నష్టం జరిగినట్టు ప్రాథమిక అంచనా వేశారన్నారు. ఈ పరిహారాన్ని ఎప్పుడు చెల్లిస్తారని దాసోజు నిలదీశారు. నాళాలు వెడల్పు, స్ట్రాటజిక్ నాళా డెవలప్​మెంట్​ని ఎప్పుడు మొదలుపెట్టి ఎప్పుడు పూర్తి చేసి వరదల నుంచి హైదరాబాద్‌ను కాపాడుతారని కేటీఆర్‌ను సూటిగా ప్రశ్నించారు.

పలు ప్రాంతాల్లో మళ్లీ వరదలు

గత వర్షకాలంలో హైదరాబాద్​ను వరదలు ముంచెత్తాయి. వరదల వల్ల నష్టపోయిన వారికి ప్రభుత్వం ఆర్థిక సాయం చేసింది. కాని జీహెచ్​ఎంసీ ఎన్నికల కోడ్​ రావటంతో అది నిలిచిపోయింది. ఎన్నికల తర్వాత పరిహారం అందిస్తామని ప్రభుత్వం తెలిపింది. కాని కొంత మందికి ఇప్పటికీ సాయం అందలేదని ఆరోపణలు వస్తున్నాయి. తాజాగా హైదరాబాద్​లో భారీ వర్షాలు కురుస్తున్నాయి. గత సంవత్సరం లాగానే పలు ప్రాంతాల్లో కాలనీలు నీట మునిగాయి.

ఇదీ చదవండి:Hyderabad Rain : హైదరాబాద్​లో భారీ వర్షం... రోడ్లన్నీ జలమయం