మంత్రి కేటీఆర్​ వ్యవహార శైలి చూస్తే నవ్వొస్తుంది: దాసోజు

మంత్రి కేటీఆర్​పై ఏఐసీసీ అధికార ప్రతినిధి దాసోజు శ్రవణ్​ మండిపడ్డారు. ఐటీఐఆర్​కు కేంద్రం నిధులు కేటాయించలేదని కేటీఆర్ అబద్ధం చెబుతున్నారన్నారు. మంత్రి వ్యవహార శైలి చూస్తుంటే నవ్వొస్తుందని వ్యాఖ్యానించారు.

ఐటీఐఆర్​కు కేంద్రం నిధులు కేటాయించలేదని మంత్రి కేటీఆర్ అబద్ధం చెబుతున్నారని ఏఐసీసీ అధికార ప్రతినిధి దాసోజు శ్రవణ్​ ఆరోపించారు. పొన్నాల లక్ష్మయ్య ఐటీ మంత్రిగా ఉన్నప్పుడే ఐటీఐఆర్​కు 50 వేల ఎకరాల భూమి కేటాయించారని తెలిపారు. మంత్రి కేటీఆర్ వ్యవహార శైలి చూస్తే నవ్వొస్తుందన్నారు. నీళ్లు, నిధులు, నియామకాలు ఎక్కడ పోయాయని ప్రశ్నించారు.

కవిత ఓడిపోతే.. ఎమ్మెల్సీ పదవి ఇచ్చే వరకు నిద్రపోలేదని శ్రవణ్​ ఆరోపించారు. కొత్త జిల్లాలు, కొత్త మండలాలు ఏర్పాటు చేశాక.. ఖాళీ ఏర్పడిన ఉద్యోగాలెన్ని అని ఆయన నిలదీశారు. ఈ సందర్భంగా బిశ్వాల్ కమిటీ 1.91 లక్షల ఖాళీలున్నాయని తెలిపిందని గుర్తు చేశారు. పీఆర్సీ విషయంలోనూ సర్కార్ ఉద్యోగులను మోసం చేస్తోందని ఆరోపించిన శ్రవణ్.. ఉద్యోగాల భర్తీపై బహిరంగ చర్చకు సిద్ధమా అని సవాల్​ విసిరారు.