నియమాల్లేకుండా నిధులను అందజేయాలి: న్యాయవాదులు

తెలంగాణ ప్రభుత్వం న్యాయవాదులకు ప్రకటించిన ఆర్థిక సహాయాన్ని నిరుపేద న్యాయవాదులకు వర్తించేలా చూడాలని హైదరాబాద్ నాంపల్లిలోని క్రిమినల్​ కోర్టు ఎదుట మహిళా న్యాయవాదులు ఆందోళనకు దిగారు. ప్రాక్టీస్​తో నిమిత్తం లేకుండా నిధులు అందేలా చూడాలని కోరారు.

రాష్ట్ర ప్రభుత్వం న్యాయవాదులకు ప్రకటించిన రూ.25కోట్ల ఆర్థిక సహాయం.... పేద న్యాయవాదులందరికీ వర్తింపచేయాలని హైదరాబాద్ నాంపల్లిలోని క్రిమినల్ కోర్టు ఎదుట మహిళా న్యాయవాదులు ఆందోళనకు దిగారు. ఆకస్మిక లాక్​డౌన్ కారణంగా అనేక మంది అడ్వకేట్లు ఇబ్బంది పడుతున్నారని పేర్కొన్నారు. 10 సంవత్సరాల ప్రాక్టీస్​తో నిమిత్తం లేకుండా అందరికీ నిధులు సమకూరేలా చూడాలన్నారు.

ఆర్థిక సహాయాన్ని 10 సంవత్సరాల నుంచి ప్రాక్టీస్ చేస్తున్న వారికి వర్తింపజేస్తూ ట్రస్ట్ తీసుకున్న నిర్ణయం సరైంది కాదు . తక్షణమే పదేళ్ల స్టాండింగ్​ విధానాన్ని ఎత్తివేయాలి. ప్రాక్టీస్​తో నిమిత్తం లేకుండా నిధులు అందజేయాలి. -మహిళా న్యాయవాదులు

ఇవీ చూడండి:గుడ్​న్యూస్​: రెండు వ్యాక్సిన్​ ట్రయల్స్ విజయవంతం