నిరుపేదలకు ఆదిత్యకృష్ణ ఛారిటబుల్​ ట్రస్ట్​ ఆపన్నహస్తం

లాక్​డౌన్​ నేపథ్యంలో ఆకలితో అలమటిస్తున్న పేదలను ఆదుకునేందుకు దాతలు ముందుకొస్తున్నారు. గోషామహల్​ నియోజకవర్గంలోని పలు ప్రాంతాల్లో ఆదిత్య కృష్ణ ఛారిటబుల్ ట్రస్ట్ ఛైర్మన్ నందకిషోర్ బిలాల్ 500 మంది నిరుపేదలకు సరకులు అందజేశారు.

లాక్​డౌన్ కారణంగా ఉపాధి లేక ఇబ్బందులు పడుతున్న బిహార్ రాష్ట్రానికి చెందిన వలస కార్మికులకు, ఆశా వర్కర్లకు ఆదిత్య కృష్ణ ఛారిటబుల్ ట్రస్ట్ ఛైర్మన్ నందకిషోర్ బిలాల్ నిత్యావసర సరకులు పంపిణీ చేశారు. గోషామహల్ నియోజకవర్గం బేగంబజార్ డివిజన్​లోని ఉస్మాన్ గంజ్, మారాజ్ గంజ్​లలో ఉండే 500 మంది నిరుపేదలకు సరకులను అందజేశారు.

లాక్ డౌన్ సడలింపులు ఇచ్చినప్పటికీ బేగంబజార్ మార్కెట్​లో వలస కూలీలకు ఉపాధి లభించడం లేదని... వారి ఇబ్బందులను గుర్తించి తమ ట్రస్ట్ ఈ కార్యక్రమాన్ని చేపట్టినట్లు నందకిషోర్​ బిలాల్ తెలిపారు.

ఇవీ చూడండి: విలువైన భూములు పోయినా.. పరిహారం దక్కలేదు..